Um okkur | EMDR Ísland

Um félagið

EMDR Ísland leggur áherslu á að kynna og veita upplýsingar um EMDR meðferð til fagaðila og almennings. Félagið er fagfélag um EMDR meðferð (Eye movement desensitization and reprocessing). Tilgangur félagsins er að annast faglega umgjörð EMDR meðferðar á Íslandi. Einnig að fylgjast með framþróun og nýjustu þekkingu í faginu og eftir atvikum endurmenntun félagsmanna. Félagið sér um að kynna og veita upplýsingar um EMDR meðferð. Félagið annast félagatal og gefur út hæfnivottanir EMDR Ísland.

Félagið tilheyrir EMDR Europe og þarf því að uppfylla reglur sem Evrópufélagið setur.
Hér má lesa kröfur EMDR Europe varðandi EMDR Certification.

Starfsemi EMDR félagsins

EMDR á Íslandi var stofnað í janúar 2012 af Brynhildi Sch. Thorsteinsson sálfræðingi og Gyðu Eyjólfsdóttur sálfræðingi.
Tilgangur félagsins er að halda utan um málefni sem tengjast EMDR meðferðarforminu (Eye Movement Desensitization and Reprocessing) og EMDR meðferðaraðilum. EMDR Ísland leggur áherslu á að kynna og veita upplýsingar um EMDR meðferð til fagaðila og almennings.

Félagatal og hæfnivottun

Félagið heldur utan um félagatal þjálfaðra meðferðaraðila EMDR á Íslandi ásamt því að að setja reglur um grunnþjálfun í EMDR meðferð og fræðslu um EMDR á Íslandi. Félagið heldur utan um og veitir hæfnivottun til þeirra sem uppfylla skilyrði um hæfnivottaða EMDR meðferðaraðila og heldur utan um og veitir hæfnivottun til EMDR handleiðara.

Félagsaðild

Meðferðaraðili með starfsleyfi frá Landlæknisembættinu getur sótt um félagsaðild eftir að hafa lokið hið minnsta grunnþjálfun í EMDR meðferð (Helgarnámskeið 1). Hægt er að sækja um aðild með því að senda póst á stjórn félagsins EMDR Ísland: emdr@emdr.is. Umsóknir eru teknar fyrir á stjórnarfundum sem haldnir eru reglulega.